U “Zvezdama Granda” desio se veoma emotivan momenat budući da se na sceni pojavila kćerka preminule folk pjevačice Vere Nešić.
27-godišnja Emilija nije briljirala kao u protekloj sezoni, ali joj je, na ivici suza, Ana Bekuta poručila da će je uzeti u svoj tim zbog pokojne majke koju je veoma cijenila i voljela.
Drugi članovi žirija su sugerisali Ani na čemu sve treba da poradi kako bi od Emilije napravila zvijezdu, a i ona sama je obećala da će dati sve od sebe da bude dostojna nasljednica svoje majke.
Sve ovo je izazvalo ponovno veliko interesovanje za lik i djelo Nešićeve, koja je u sjećanju mnogih ostala po vanserijskom izvođenju tzv. “dvojki” i šumadijskog melosa.
Osim toga, Vera je odlično plivala i u pop i folk baladama, od kojih treba izdvojiti “Potražićeš opet mene”, “Kome noćas dajem sne”, “Proleće je, a ja sama”, “Bez tebe jutro ne sviće”, “Volim, volim, zato što se krije”, “U srcu mome živiš samo ti”…